Çfarë ndodhi para ngjarjes tragjike në Ferizaj?

Një rast i rëndë u shënua mbrëmjen e së dielës në rrugën “Sejdi Sejdiu” në Ferizaj, ku një person mbeti i vrarë nga arma e zjarrit.

Sipas policisë, deri te vrasja erdhi si pasojë e një përleshjeje, transmeton Klankosova.tv.

“Ju njoftojmë se rreth orës 22:50, në rrugën “Sejdi Sejdiu” në Ferizaj, ka ndodhur një përleshje ku dyshohet se është përdorur arma e zjarrit. Në vendin e ngjarjes kanë dalë njësitë relevante, përfshirë NJRSH-në dhe hetuesit e stacionit policor në Ferizaj. Sipas informatave të para, në vendngjarje është gjetur një person mashkull i moshës madhore, pa shenja jete, i cili dyshohet se ka marrë plagë nga arma e zjarrit”, tha zëdhënësi i policisë për rajonin e Ferizajt, Kanun Veseli.

Ndërkaq, vdekja e viktimës është konfirmuar nga ekipi mjekësor i spitalit të Ferizajt.