Mister në Prishtinë: Personi gjendet pa shenja jete në 'Bregu i Diellit'

Një person është gjetur pa shenja jete mëngjesin e sotëm në lagjen “Bregu i Diellit” në Prishtinë.

Zëdhënësi i Policisë për rajonin e Prishtinës, Enis Pllana, ka konfirmuar për Gazetën Sinjali se rreth orës 08:00 është pranuar informata për një person pa shenja jete në rrugën “Enver Maloku”.

Sipas tij, ekipi mjekësor ka dalë në vendin e ngjarjes dhe ka konstatuar vdekjen e personit.

Ndërkohë, Policia, në koordinim me Prokurorin e Shtetit, ka nisur hetimet për të sqaruar rrethanat e vdekjes.

Autoritetet po ndërmarrin veprimet e nevojshme hetimore dhe ekzaminimet në vendin e ngjarjes, me qëllim të zbardhjes së plotë të rastit.

Sinjali – aty ku e vërteta flet para lajmit!

/GazetaSinjali/