Endrit Thaçi në dy botë të ndryshme, çfarë po thotë TikTok?

Teksa del në protesta, Endrit Thaçi po bëhet viral në TikTok për një arsye krejt tjetër: Pamjen e tij.

Djali i Hashim Thaçit është shfaqur këto ditë më shumë në publik, pas vendimit të Gjykatës Speciale që e dënoi në shkallë të parë ish-presidentin me 25 vjet burgim. Endriti ishte gjithashtu pjesë e protestës së mbajtur në Prishtinë pas vendimit, së bashku me familjarë të ish-krerëve të tjerë të UÇK-së.

Por ndërkohë që ai po përballet publikisht me një periudhë serioze për familjen, TikTok-u po bën atë që di të bëjë TikTok-u

Qindra edits me Endritin po qarkullojnë në rrjet, disa edhe me këngë si “Hajde ma knej” të Dafina Zeqirit, duke mbledhur mijëra pëlqime, ruajtje dhe shpërndarje.

Dhe komentet? Një pjesë e vajzave duket se tashmë e kanë shpallur crush-in e ri të TikTok-ut.

“Si babai, si i biri”, “po i bukur”, janë disa nga komentet ndërsa një tjetër shkruan me humor: “I tranoj qikat qyky, u bo viral gjithkun”.

Por jo të gjithëve po u pëlqen ky trend.

“O ma, se nuk është momenti”, shkruan një komentues, ndërsa të tjerë thonë se situata nëpër të cilën po kalon familja e tij është tepër serioze që vëmendja të zhvendoset te pamja apo edits-et.

Kështu, brenda pak ditësh Endrit Thaçi është gjendur në dy botë krejt të ndryshme: në shesh duke mbështetur të atin dhe, paralelisht, në TikTok… si protagonisti i ri i qindra edits-eve.

Ndërkohë, vetë ai po shfrytëzon rrjetet sociale për mobilizim. Endriti ka bërë thirrje për një tjetër protestë sonte nga ora 21:00 në sheshin “Skendërbe”.

/Prive By Liberta Spahiu