Albanë të zhdukur pas shembjes së ndërtesës në Athinë
Evropë
Sinjali.com
26 Shtator 2026 14:20
Një trup i dytë u nxorr nga rrënojat e ndërtesës që u shemb në Plaka, ku 3 nga 4 të zhdukurit janë me origjinë shqiptare, me shtetësi amerikane.
Siç njoftoi zëdhënësja e Departamentit të Zjarrfikësve, bëhet fjalë për një burrë. Trupi i një gruaje u gjet gjithashtu në agim – Ekipet e shpëtimit po vazhdojnë kërkimet e tyre për të gjetur katër persona të tjerë të zhdukur. Mësohet se tre personat e zhdukur me origjinë shqiptare po me shtetësi amerikane janë: Florin Hoxha,Florida Hoxha dhe Eris Cani.
Një trup i dytë u nxorr nga rrënojat e ndërtesës që u shemb dje në mëngjes në Plaka , pas shpërthimit të fuqishëm që ndodhi në rrugën Lysikratous në zemër të Athinës.
Informacioni fillestar tha se ishte një grua, megjithatë, siç njoftoi zëdhënësja e Departamentit të Zjarrfikësve, ishte një burrë. Sipas informacionit, bëhet fjalë për një burrë 77-vjeçar britanik.
Katër persona ende rezultojnë të zhdukur. Sipas informacioneve, tre nga katër të zhdukurit janë me origjinë shqiptare, të cilët kanë shtetësi amerikane.
Autoritetet po hetojnë shkaqet e tragjedisë, të cilat, sipas gjetjeve fillestare, janë për shkak të një rrjedhjeje gazi natyror .
Në operacionin e kërkim-shpëtimit përfshihen 30 zjarrfikës me 6 automjete, përfshirë dy automjete speciale shpëtimi të EMAK-ut të 1-rë, si dhe tre qen kërkim-shpëtimi. Shpëtuesit po përdorin gjeofona specialë për zbulimin e zërit në rrënoja, si dhe kamera speciale për të gjetur të zhdukurit.
Shpërthimi ka ndodhur pak pas orës 07:30 të mëngjesit të së premtes (25/9), duke shkaktuar shembjen e ndërtesës dhe dëme të shumta në ndërtesat ngjitur dhe automjetet e parkuara.
Mësohet se tre personat e zhdukur me origjinë shqiptare po me shtetësi amerikane janë: Florin Hoxha,Florida Hoxha dhe Eris Cani.
Sinjali – aty ku e vërteta flet para lajmit!
